購物情報站

李蕙敏結婚 嫁老外男友

恭喜﹗恭喜﹗娛樂圈又添一喜事！現年42歲嘅李蕙敏（Amanda），早年憑《活得比你好》同《你沒有好結果》爆紅，惟近年事業發展未如理想，不過愛情路上Amanda搵到好歸宿，正式脫離盛女行列。

據悉Amanda會做秋天新娘，同拍拖三年嘅老外男友Mr. Nicallef喺英國舉行婚禮，據了解，Amanda未婚夫係英國人，比佢細四年，於投資銀行任職投資部主管，被派駐嚟香港工作。

Amanda(李蕙敏)於微博展示新髮型。（圖／來自李蕙敏微博）

Amanda於電話中坦承婚訊：「結婚日期未定，應該今年內啦！」佢又透露求婚過程，Amanda話上個月兩口子去峇里旅行，去到酒店時，N先生話泳池邊涼亭好舒服，叫佢坐低，然後N先生突然拎隻戒指出嚟，仲單膝跪地求婚，N先生激動到喊，最後兩個一齊喊，場面幾感人﹗

▲李蕙敏與老外男友姊弟戀開花結果，今年內結婚。(資料圖片)

Amanda之前唱過《你沒有好結果》，唱盡唔少女性心底話，0依家情路上終於有好結果，認真可喜可賀，Amanda透露唔會喺香港搞婚禮，可能返英國舉行。咁婚後會唔會生小朋友呢？Amanda就話：「生到咪生，生唔到收養都得。」（蘋果日報）

李蕙敏結婚 原文: 李蕙敏終有好結果　今秋下嫁老外男友